Enn eru menn að tala um evru sem gjaldmiðil hér?

Það er nánast eða alveg óskiljanlegt að menn skuli en vera að tala um evru sem gjaldmiðil á Íslandi, fylgjast menn ekkert með þróuninni í Evrópu? Við værum algerlega gjaldþrota ef við hefðum verið með evru í hruninu, það hljóta allir hugsandi menn að sjá, Það er eins og menn átti sig ekki á að ef við hefðum verið með evru hefðum við þurft að bjarga öllum bönkunum hér á landi eins og verið er að reyna úti í Evrópu núna og mun ekki ganga að mínu mati margir þeirra munu fara á hausinn með skelfilegum afleiðingum fyrir almenning í þeim löndum þar sem það gerist  því ekki geta ríkisstjórnir þeirra landa tryggt innistæður á reikningum eins og hér var gert, innistæður á Íslandi voru að stærstum hluta í íslenskum krónum og allt hagkerfið líka þess vegna gat ríkið hér prentað krónur til að við gætum áfram átt okkar innistæður (sem ég átti engar) og eytt þeim í mat og aðrar nauðþurftir þó svo við þyrftum að fá hjálp til að kaupa erlendar nauðsynjar og vörur sem hækkuðu svo í verði, þá gekk kerfið, við fengum útborgað og ríkið fór ekki á hausinn eins og allt stefnir í hjá mörgum löndum Evrópu einmitt þar sem evran er við líði. Ég er ekki búinn að sjá Þjóðverja taka því þegjandi að borga alla óráðsíu evrópubúa einir og sér eins og allt stefnir í að verði að vera ef bjarga á evrunni, því engin önnur þjóð á þá fjármuni sem til þarf nema þá frakkar sem eru miklu tregari til að borga neyslu annara.
Og svona "til sidst"  Af síðum Visis.is

"Danir spara sér þúsundir milljarða á að vera utan evrunnar
Danskir hagfræðingar hafa reiknað það út að Danir hafi sparað sér þúsundir milljarða króna með því að halda sig fyrir utan evruna.

Fjallað er um málið í Jyllands Posten en þar segir að ef Danir hefðu verið með evruna sem mynt undanfarin 12 ár hefði það þegar kostað þjóðarbú þeirra 338 milljarða danskra króna eða sem svarar til rúmlega 7.000 milljarða króna.

Christian Björnskov lektor í hagfræði við viðskiptaháskólann í Árósum segir að það hafi verið snjall leikur hjá Dönum að taka ekki upp evruna í upphafi og síðan enn snjallara að forðast hana eftir það.

Í fyrrgreindi upphæð er m.a. að finna 87 milljarða danskra króna sem Danir hefðu þurft að borga inn í ESM, hinn sérstaka björgunarsjóð evrusvæðisins og 156 milljarða danskra króna sem Danir hefðu þurft að ábyrgjast í Evrópska seðlabankanum fari svo að eitt af evrulöndunum verður gjaldþrota.

Björnskov segir að engin önnur lönd en evrulöndin geti borgað reikninginn vegna vandamálanna á evrusvæðinu og Danir sleppi við þann bagga með því að hafa haldið í krónuna sína."

Forseti vor, klappstýran og hrokagikkurinn!!

Nú eru nokkrir dagar frá forsetakosningunum og virðist Forsetinn vera hættur í bili að gefa út tilskipanir um hvernig hann ætlar að standa að embættisfærslu sinni þangað til hann gerir okkur þann greiða að koma sér burtu úr embættinu en hann segist geta verið í embætti eins lengi og honum þóknast. Allt er þetta nú skrítið, ég kaus hann fyrir 16 árum en síðan kaus ég ekki fyrr en nú en þá til að losna við hann úr embætti sem ekki tókst í þetta sinn en ég mun reyna aftur. Það sem veldur mér hugarangri er að Davíð Oddsson skuli nú vera hans aðal stuðningsaðili og náttúrulega náhirð hans öll (framsókn innifalin) sem æfinlega fylgir foringja sínum í öllum vondum málum og þessu líka. 

Það er kannski ekki mikil reisn yfir þessu hjá mér sem kaus manninn á sínum tíma 1996 en ég tel mig hafa það mér til málsbóta að hann leit óneitanlega vel út með eiginkonu sína þá fyrri sér við hlið. En eftir að hún lést fór sjarminn af honum að mínu mati og versnaði mikið og fljótt þegar sú nýja kom til sögunnar. Það er ekki henni að kenna, hún er ágæt og ekkert upp á hana að klaga síður en svo. Hann fór að fara í útreiðatúra og á skíði, beinbrjóta sig hvað eftir annað og sýnist mér hann hættur þessi monti og gengur nú bara kraftgöngu á Berssastaðatúninu og held ég að það hæfi gömlum manni ágætlega.

En gamli karlinn virðist hafa misskilið eitthvað í ferlinu því hann umturnaðist og breyttist í svokallaða klappstýru fyrir útrásina og græðgina sem geisaði á árunum fyrir hrun, ég fullyrði að það hefði aldrei gerst ef Guðrúnar Katrínar hefði notið við, en nýja konan er vellauðug og svo miklu yngri en hin virðulegi Forseti sem gæti haft áhrif á hégómagirndina hjá gömlum manni, sjötugum.

Forsetinn virðist hafa verið lostin eldingu um leið og hann krækti í þessa ungu og fallegu konu sem nú á að vera „öryggisventillinn“ okkar gagnvart ruglinu sem hefur heltekið aumingja manninn. Mér sýnist við eiga eftir að sitja uppi með Forseta sem mun reyna að sölsa undir sig vald sem honum ekki ber og engin hefur beðið hann um að fara með. Hann ætlar, til að mynda, að stjórna því hvernig stjórnarskrá Lýðveldisins Íslands á að líta út, en það hefur engin beðið hann um það svo ég viti og held ég að það muni renna tvær grímur á suma sem kusu hann núna þegar hann fer að káka í stjórnarskránni með það í huga að auka völd sín og embættisins en þar liggur hans áhugasvið. 

Ég sé fyrir mér svipinn á Davíð þegar hann setur fiskveiðistjórnunarfrumvarpið í þjóðaratkvæðagreiðslu en Steingrímur kann á Forsetann og mun bara hafa frumvarpið í samræmi við það, það er að segja það sem þjóðin vill, innkalla heimildirnar og úthluta þeim aftur með gjaldtöku og þannig verður þá frumvarpið væntanlega. 

Íhaldið segist ætla að afnema veiðleyfagjaldið strax og þeir komast í ríkisstjórn en Ólafur mun ef að líkum lætur setja þau lög strax í þjóðaratkvæði og það mun þjóðin fella með miklum meirihluta, en Forsetinn hefur talað og sagt að þetta mál  sé sérsniðið fyrir þjóðaratkvæði og verður minntur á það, því hann segist hafa talað skýrt.

Fær þjóðin að kjósa, ég efast um það.

Ég er ekki viss um þessa stundina að við þjóðin fáum að kjósa um ESB aðild a.m.k. ekki bindandi kosningu. Írska ríkisstjórnin sem sætti sig ekki við NEI við inngöngu lét kjósa, eftir mikinn áróður, aftur til að ná Jáinu sem stjórnina (ekki þjóðina) þyrsti svo í, allir vita hvernig fór, sama gæti auðveldlega gerst hér eða bara segja "kosningin er ekki bindandi fyrir Alþingi" og er því marklaus.

Íslenskum stjórnmálamönnum er ekkert heilagt þeir neituðu að gefa þjóðinni kost á að kjósa um inngöngu í Nató um árið og eins þegar  EES samningnum var troðið upp á okkur án umræðu að heitið geti, því var haldið fram að samningurinn væri svo flókin að venjulegt fólk skildi hann ekki og honum troðið gegnum þingið.

Það eru að poppa upp miklir lagabálkar enn þann dag í dag sem sagðir eru í EES samningnum en hafi aldrei verið teknir yfir en nú verðum við að gera það annars vill ESB ekkert við okkur tala. Þannig halda þessi landráðaöfl sem stjórna landinu okkar að smá ýta okkur inn í þetta Evrópusamband sem þjóðin vill ekki vera í, alls ekki. Muna skulum við að fljótlega verður farið að tala um þessa IPA mútur sem algöra nauðsyn fyrir okkur og svo verður sagt, ef þið (fíflin ykkar) kjósið ekki rétt þá munum við þurfa að borga múturnar til baka og það engar smá, munum þetta!!!!! Athugum það að eftir næstu kosningar gætu stjórnarflokkarnir með stuðningi smáflokkana sem nú verða til, komist til valda og munu þá segja eins og nú "við verðum að klára þetta ESB mál og kjósa síðan um niðurstöðuna", hafa menn heyrt þenna áður??

 Það er jafnvel farið að læðast að mér æ oftar að kjósa íhaldið eða framsókn  og vona að þeir flokkar komist að eftir næstu kosningar og stöðvi þetta ferli í eitt skipti fyrir öll. Öðruvísi mér áður brá, íhaldið og framsókn voru alls ekki í myndinni þvert á móti en það þíðir ekki að berja hausnum við steininn það verður stundum að gera það sem þarf til að mál fari á þann veg sem maður vill og trúir að sé best fyrir þjóðina, en mér býður við að gera þetta en nauðsyn brýtur lög.....

Vaðlaheiðargangnagerðamannaverkstjóralyklakippuhringurinn.

Vaðlaheiðargöng eru nú í umræðunni og sýnist sitt hverjum, Kristján Möller segist aukast "gubbupestin" við að heyra til sam þingmanna sinna og þá náttúrulega þeirra sem ekki vilja að ríkið sé í ábyrgð fyrir framkvæmdinni en eigendurnir verði einhvert einkahlutafélag sem svo þjóðnýtir tapið og hirðir gróðann. Hvað þyrfti þessi Kristján Möller að verða gamall til að sjá hversu galið svona fyrirkomuleg er. 

Ef kostnaðaráætlun stenst og allt er eðlilegt myndu fjármálastofnanir og lífeyrissjóðir ekki þurfa ríkisábyrgð á verkinu en svo er ekki kostnaðaráætlanir í þessum verkum fara yfirleitt 50% framúr áætlunum og þess vegna vilja lánveitendur ríkisábyrgð svo einfalt er það. 

Steingrímur J. og þessi Kristján virðast eingöngu vera að hugsa um að koma nokkrum búkollum og gröfum í vinnu í kjördæminu því svona framkvæmdir eru ekki mannfrekar með tilliti til hversu mikið fé fer í þetta. Ég held að ælupestin hjá mér fari vaxandi þegar ég heyri minnst á þetta fyrirbær, það má vel vera að þessi göng séu arðbær framkvæmd og þá á ríkið að eiga hana og reka en svo mega einkahlutafélög líka eiga hana fyrir mér en þá á ríkið ekki að koma nálægt verkinu. 

Fjármálaráðherrann  (ráðfrúin) virðist vera mjög hlynnt þessu rugli og segir það þá sína sögu um hana og hvernig þetta kjördæmapot virkar bæði Steingrímur og Möllerinn eru úr þessu kjördæmi og berjast hatramlega fyrir þessu og segir það líka sína sögu um þá kumpána, ekkert hefur breyst og mun ekki gerast meðan þessir gömlu kjördæmapotarar eru á þingi. En ég er að verða þreyttur á þessari langloku sem þetta gangna kjaftæði er orðið og minnist þess þegar við sem börn vorum að leika okkur að búa til löng orð sem gæti litið svona út í dag Vaðlaheiðargangnagerðamannaverkstjóralyklakippuhringurinn.

Landsdómur - fárálegur og sprenghlægilegur!!!

Það er ekki skrítið þó þessi þjóð okkar lendi í hremmingum eins og bankahruni þegar henni er stjórnað af öðrum eins gáfnaperum og birtust okkur á sjónvarpsskjám landsmanna í gær eftir uppkvaðningar  dóms í landsdómsmálinu svokallaða  gegn Geirs Haarde . Þar gaf að líta ofalin ríkisstarfsmann sem aldrei hefur gert neitt nema sjúga spenann alla sína æfi. 

Hann hreytti út úr sér svívirðingum í allar áttir og bar dómstólnum á brýn að hafa látið pólitík ráða dómsniðurstöðunni og þar langa mig að vera honum sammála ef svo hefur verið en á öðrum forsendum en hann. Hafi pólitík komið inn í þennan dóm kom hún frá Geir og hans liði því hann var næstum sýknaður af öllu því sem þjóðin veit að hann gerði en sakfelldur fyrir eitt atriði sem verður að teljast góð niðurstaða fyrir hann, að mínu mati hafa stórkostlegar árásir snatthundanna hans Geirs á saksóknarann, dómaranna og þingmannanefndina sem gaf út ákærurnar hafi stórskaðað málið allt, enda tilgangurinn sá eini að hafa áhrif á dómarana og dóminn í heild sinni. Flokkurinn hans Geirs hefur klíkað mörgum dómurum úr sínum röðum inn í dómakerfið á undanförnum áratugum og hljómar nánast sprenghlægilega að tala um að einhverjir aðrir hafi „laumað pólitík“ inn í réttinn bakdyramegin, það hafa þeir sjálfir gert.

Það var líka sprenghlægilegt að sjá Geir koma leiðandi konuna sína hönd í hönd og á eftir fylgdu öll börnin 5 og tengdabörnin fylktu liði gott ef ekki barnabörnin líka, það skildi þó aldrei hafa verið „Show“ sem hann sakar aðra um að viðhafa í þessu máli. Mér varð allavega hálf bumbult að horfa uppá þetta, konuna hanns og alla elítuna úr flokknum kyssa og klappa Geir eftir að þessi „fáránlegi og sprenghlægilegi“ dómur var kveðin upp og gott ef sumir felldu ekki (gleði) tár í þokkabót.

Máli sínu til stuðnings lúsleitaði hann svo að einhverju á Steingrím J. Og fann loks mál frá 1990 þar sem Steingrímur átti að hafa selt jarðarskika í Ölfussinu án þess að hafa leyfi til þess en þetta var ríkisjörðin Kirkjuferjuhjáleiga, Sjálfstæðismenn eins og hann sagði, björguðu honum út úr vanræðunum, samþykktu leyfi til sölunnar eftir á og fannst honum að þetta „góðverk“ þeirra dæmi um að þeir hjálpuðu samstarfsmönnum sínum gagnstætt því sem Steingrímur og hans fólk gerðu, þau kærðu samstarfsmenn sína fyrir smá yfirsjónir eins og bankahrun og ICE-save . Nú spyr ég, var það löglegt að „hjálpa“ Steingrími út úr klúðrinu eftirá, ég tel það borðliggjandi að þeir hafi bætt einu lögbroti ofan á annað og óskiljanlegt af hverju hann var að rifja þessa lögleysu upp og spurning hvort það sé of seint að kæra þá kumpána fyrir þetta athæfi og kannski senda það til mannréttindadómstólsins til meðferðar þar sem þeir hafa greinilega brotið jafnræðisregluna með þessu.

Fundur um landbúnaðarmál í boði ESB-krata og prófessora þeirra

Kratar héldu ráðstefnu í fyrradag (13.4.) að Bifröst í Borgarfirði, þar á að ræða nýtt landslag í landbúnaði og nýjar áskoranir. Þar er einn mesti, ja hvað skal segja, „landbúnaðarsérfræðingur“ landsins hagfræðiprófessorinn sem talar nánast ekki um neitt nema landbúnað og hversu hrikalega óhagkvæmur hann sé, þó svo hann tilheyri óhagkvæmasta háskólasamfélagi heims (minnstakosti 5 háskólar í 300.000 manna samfélagi) og þetta er auðvitað allt greitt af okkur skattgreiðendum eins og vera ber en við höfum bara ekkert um það að segja hve margir og óhagkvæmir háskólar eru reknir í landinu. Það er ekki meiningin að deila á háskólana enda hef ég ekkert vit á þörfinni frekar en prófessorinn á landbúnaði. Prófessorinn segir að það verði að hætta þessari smábýlarómantík og stækka búin til muna til að ná fram hagkvæmni.
  

Ég hef unnið í kjúklingageiranum í um 35 ár og þekki það allvel til og þar er þessu alveg öfugt farið, stóru búin hafa í áratugi verið rekin með tapi og gjaldþrotum endalaust lent í eigu bankana hvað eftir annað og það löngu fyrir hrun. Við sem smærri erum höfum mátt keppa endalaust við fyrirtæki sem bankarnir hafa afskrifað skuldir af og endurfjármagnað mörgum sinnum og rekið árum saman sjálfir. Þessi háttur hefur veðið hafður á í svínaræktinni líka, gjaldþrot þeirra stóru aftur og aftur a.m.k. flestra stóru búanna. Þetta form hefur líka þekkst í eggjaræktinni þó í minna mæli sé.

Ég get ekki ímyndað mér að það verði öðruvísi í kúa og sauðfjárrækt verði þar örfá stór og stórskuldug bú. Mér finnst að prófessorinn ætti að kynna sér skuldastöðu stórubúanna í kjúklinga, svína og eggjaræktinni áður en hann fullyrðir að það muni koma „hefðbundnu“ búgreinunum til góða að stækka búin.Einnig mætti hann kynna sér hve oft þau hafa farið á hausinn og verið endurreist. Það hefur verið mjög líkt mynstur í ESB löndunum, stóru búin hafa farið umvörpum á hausinn og verið endurreist og farið aftur á hausinn þetta er alþekkt í þessum búgreinum í Evrópu allri en smærri búin hafa staðið sig betur.

Það er engin hagkvæmni í stórum búum það kennir reynslan okkur, aðalatriðið er hvernig búin standa hvað varðar fjármögnum þ.e. að þau skuldi ekki meira en þau fái risið undir en það hefur ekki verið mikið spáð í það hingað til bara keyrt á því að allt stórt sé gott, svona eins og var alsiða á græðgisárunum 2003-2007 og allir eða flestir vita hvernig það fór. Ég fullyrði og get staðið við það að ef stórubúin ná inn fyrir kostnaði hjá sér þá stór græða smærri búin.

Össur Skarpi gerir okkur að fótaþurrkum.

Látum traðka á okkur endalaust, við eru ekkert annað en fótaþurrkur. Ég hef haldið því fram lengi að ESB er ekki skammstöfun fyrir góðgerðasamtök eins og sumir halda,nei aldeilis ekki. Nú hefur þetta bandalag sýnt á sér smettið gagnvart okkur (smáþjóðinni) enn einusinni og Össur Skarpi heldur því fram að aðildarumsóknin sé þessu óvíðkomandi , þeir séu bara að hjálpa veikum ESA dómstólnum að berja á okkur í icesave málinu. Hvað er í hausnum á þessum bjánum, ég hélt að við værum að sækja um inngöngu í það sama apparat og er nú að koma ónýtum dómstóli til bjargar til að hægt sé að ná fram fullnaða sigri fyrir ESB í þessu icesave máli.

Það er ljóst að ESB sættir sig ekki við neitt annað en ná af okkur þeim milljörðum sem forseti vor taldi sig hafa sparað okkur með að setja samninga við Breta og Hollendinga þjóðaratkvæðagreiðslur einar tvær. Ég reyndar trúði ekki á að það hjálpaði okkur í þessu máli en var að vona það, nú ætlar þetta fáránlega samband að ráðast á okkur af öllu afli og mun örugglega takast að hnéseta okkur eins og öll þau smáríki sem aðildarlöndin hafa ráðist á gegnum aldirnar.

Það er geggað að verða vitni að réttlætingu jáliðsins á framferðis ESB í þessu máli, „sko ESB styður við bakið á þjóum innan ESB gegn þeim sem fyrir utan eru“, trúir einhver því að ESB myndi aðstoða íslendinga gegn Bretum og Hollendingum í þessu máli ef við værum í ESB? Að sjálfsögðu ekki, þá væri annað uppi á teningnum ESB aðstoðar ekki ríki í ESB sem eru í deilum við ríki innan ESB heldur fara málin einfaldlega fyrir dómstóla án afskipta skrímslisins og sá stóri vinnur alltaf það er þekkt.

Já-fólkið lætur gera verðhækkunarsamanburð!

Fólkið sem vill svipta okkur sjálfsákvörðunarrétti, Já-fólk Íslands eins og það kallar sig lét gera könnun á verðhækkunum hér og í ESB löndunum og fannst nú heldur betur geta sannað að ef við hefðum verið í ESB þá værum við í góðum málum?? En þetta þarf að skoða betur. Matarkarfan hækkaði um 32% hér segir í könnunni á móti 5,2 á evrusvæðinu, þetta er svolítið kyndugt þar sem stórhluti matvöru er innfluttur og gjaldalaus/tollfrjáls, en myndi þetta breytast ef við gengjum í ESB það held ég ekki við yrðum þá líka að skipta út kaupmannastéttinni í heild sinni og flytja inn kaupmenn frá Evrópu.  

 Ef við hefðum verið í ESB þegar hrunið reið yfir værum við gjaldþrota sem þjóð, þar sem allir bankar á íslandi fóru á hausinn og ekki betur stödd en gríska þjóðin, það sem bjargaði okkur var að vera ekki í ESB og vera ekki með evru. Það kann að líta þannig út að evran sé einhver allsherjar lausn en ef svo væri, hvers vegna í ósköpunum eru þá þjóðir með evru sem gjaldmiðil á hvínandi hausnum? Staðreyndin er að við erum öfunduð af stöðu okkar í Evrópu, með okkar eigin gjaldmiðil og EES samninginn sem gerir okkur kleyft að standa fyrir utan þetta stóra bandalag. Þá segir já fólkið“ við getum ekki haft áhrif á lagasetninguna sem við verðum að fara eftir“, þetta er rétt að öllu leiti öðru en því að þó við værum inni í ESB, fengjum við 3-4 fulltrúa á Evrópuþinginu sem er mörg hundruð þingsæta ráð sem myndi ekki skila okkur neinu, það myndi ekki heyrast í okkur en í ESB löndunum búa yfir 500 miljónir manna sem hafa mismikinn áhuga á Íslandi, vita varla hvar það er og hafa um nóg að hugsa hvað varðar sitt eigin land. Ég endurtek "ESB er ekki skammstöfun fyrir góðgerðarsamtök"

Hræddir lýðskrumarar gaspra!!

Nú spretta fram skíthræddir lýðskrumarar sem finnst fólkið í þessu landi ekki tilbúið að afsala sjálfsákvörðunarrétti þjóðarinnar til Brussel og keyra upp hræðsluáróður sinn af miklum krafti en það dugar ekki eins og þetta er framsett. Lýðskrumararnir tala út og suður, segja að lítil þjóð í stóru landi geti ekki krafist sömu þjónustu á landsbyggðinni, til dæmis í vegagerð og öðrum samgöngum svo eru aðrir sem telja að með því að ganga í ESB muni þetta allt verða eins og best gerist í löndum þar. Til að það geti gerst þurfum við að fá tuga miljarða styrki en styrkir til landbúnaðarins og sjávarútvegs eru einmitt það sem þessir sömu skrumarar telja vara algerlega út í hött og verði að afleggja strax og þá spyr maður er vit í þessu lýðskrumi? Einn skrumarinn fer á kostum á síðu sinni og telur upp hagvaxtatölur hinna norðrænu þjóðanna í samanburði við okkur en áttar sig greinilega ekki á því að norðmenn sem eru með mestan hagvöxt eða 10, eitthvað % eru rétt að komast með tærnar að hælum okkar fyrir hrun en það hjálpar okkur ekkert, því hagvöxtur er mældur eftir á en er ekki framtíðar staðreynd sem gerir þjóðir ríkar eða fátækar heldur er hagvöxtur mæling á því sem var og skiptir engu máli í framtíð, ef svo væri værum við ríkasta þjóð í heimi en svo er ekki eins og þekkt er. Skrumararnir munu reyna að telja okkur trú um að ekkert nema ESB muni bjarga okkur en þjóðir innan ESB þurfa að hafa fyrir lífinu og ekkert dettur niður úr skýjunum þó við færum þangað inn, nýlenduþjóðir ESB eru ekki frægar fyrir að gefa öðrum af auði sínum heldur þver öfugt, þær fluttu auð nýlendanna heim til sín, ef minnið svíkur mig ekki. Mér finnst það bera vott um þann voðalega sjúkdóm sem Alzheimer er að muna ekki stafkrók að því sem kennt er í sögubókum, ESB er ekki skammstöfun fyrir góðgerðarsamtök.    

Samherji hótar með útlensku dótturfélagi!

Það verður að vera hægt að svifta félög eins og Samherja veiðiheimildum og færa þær annað þegar þessir hrokagikkir hóta heilu byggðunum hefnd fyrir að einhver stofnun í þjóðfélaginu ákveður að ransaka eitthvað sem þeim þykir athugavert í rekstri félagsins. Það hljóta að vera einhverjir sem vilja veiða fiskinn sem þessum frekjuhundum var úthlutað ókeypis og leggja hann upp á Dalvík og víða. Fyrst Samherji gegnum þetta þýska félag vill hætta viðskiptum við Ísland er rétt að setja úthlutun á fiskveiðiheimildum til þeirra á hóld meðan á rannsókn stendur, á sama hátt og með sömu rökum. Samherja forstjórinn er að segja á móðurmáli þýska félagsins "Ich bin der bissige Hund" en Alþingismaðurinn Mörður segir "Samherji über alles"

Ögmundur sagði "við ákváðum að sækja um ESB"

Ögmundur sagði í Silfri Egils, "víð ákváðum að sækja um ESB" hver eru þessi "við" ekki voru það kjósendur VG það er á hreinu. VG lofaði fyrir kosningar að aldrei myndi verða sótt um ESB á þeirra vakt en strax eftir kosningar ver það svikið og og þessir "við" ákváðu að sækja um inngöngu í samfélag nýlenduþjóða Evrópu án nokkurs kinnroða gagnvart kjósendum flokksins sem alls ekki vildu sækja um aðlögun í þetta deyjandi skrímsli sem engin núverandi ESB þjóð myndi sækja um inngöngu í ef hún væri nú fyrir utan, það hefur margoft komið fram þegar fólk í löndunum er spurt.

Til dæmis myndu Finnar aldrei sækja um inngöngu núna ef þeir væru fyrir utan, þeir voru plataðir inn með loforðum um mikinn stuðning eftir að þeir lentu í kröggum um 1990 en reyndust svo of rík þjóð til að fá stuðning en hafa þess í stað greitt háar fjárhæðir til ófreskjunnar sem dregið hefur úr öllum vexti þar í landi, þetta sama mun bíða okkar ef af inngöngu verður.

Það er grátlegt að heyra Ögmund segja að svifta eigi þá sem svindla á fiskveiðilöggjöfinni veiði heimildum en Steigrímur J. segir að það sé ómögulegt að koma því fyrir í frumvarpi hans, það hið sama frumvarp og allt of seint er fram komið sem er gert til að það nái ekki fram að ganga á þessu kjörtímabili og hægt sé að kenna íhaldinu um sem þeim þykir ekki leiðinlegt  ef ég þekki þá eiginhagsmunasinna rétt. En ljóst er að ekki verður neitt af breytiungum á þessu kerfi á næstunni, hagsmunir kjördæmapotarnana eru allt of miklir til að þjóðin fái einhverntímann sinn skerf. 

Þjóðin fær ekki að kjósa.

Þessir kjánar á hinu háa Alþingi treysta ekki þjóðinni til að hafa skoðun á stjórnarskránni sem þjóðfélagið starfar eftir, að minnstakosti þurfum við ræflarnir að fara eftir því sem þar stendur og eigum að vera varðir af henni ef lýðurinn á Alþingi brýtur á okkur, en við megum ekki hafa neitt að segja um hana. Það var vitað fyrir löngu að íhaldið og framsóknarhækjurnar þeirra á þingi vilja alls ekki breyta neinu í þessu grundvallarplaggi okkar það gæti nefnilega orðið til þess að til dæmis fiskurinn í sjónum verði eign okkar landsmanna en ekki þeirra útvöldu sem íhaldið og náttúrulega framsóknarviðrinin afhentu auðlindina okkar til ævarandi eignar. Þessum kjánum er ekki viðbjargandi og kvelur mann mikið að horfa upp á þennan kjánalýð þegar hann birtist á skjánum manns í fréttatímum.

Ég ætla samt ekki að kenna íhaldinu og framsókn um að þetta fór þannig að við fáum ekki að kjósa, það er Jóhönnu forsætisráðherra og Steingrími J. að kenna þau auluðust ekki til að koma fram með þetta frumvarp fyrr en of seint og það vissu þau bæði mæta vel en meiningin var nefnilega aldrei að koma þessu máli í gegn heldur nota íhaldið sem blóraböggul í málinu, þau vissu að þeir myndu ekki klikka. Málið er að engin á þingi nema kannski þessir þrír í hreyfingunni vildi raunverulega leyfa okkur sauðsvörtum almúganum að hafa eitthvað um þetta að segja.
Það verður einnig með kvótafrumvarpið, því verður viljandi klúðrað og látið líta þannig út að íhaldið og framsóknarhækjan þeirra muni „eyðileggja“ þetta með málþófi og það munu þeir gera ef einhver möguleiki er á því. Möguleikinn skapast vísvitandi vegna þess hve seint þetta kemur fram og það er ekki tilviljun, nei aldeilis ekki.

Því miður verður þetta einnig með þjóðaratkvæðagreiðsluna sem lofað var vegna ESB samningsins við hana verður hætt og trúað gæti ég því að nú þegar væri búið að plana hvernig hægt er að komast framhjá því loforði, þau kunna öll trixin þarna á Alþingi, við sáum sýnishorn af því í gær.

Miklir veraldar aumingar þessir alþingismenn.

Forsætisráðherrann skökk í pontu á alþingi og hundskammaði Jón Bjarnason fyrrverandi Sjávarútvegsráðherra fyrir að hann hafi slugsað við samningu nýs fiskveiðifrumvarps „kvótafrumvarps“ í tvö ár og þess vegna kæmi það svo seint fram að hæpið er að náist að afgreiða það á þessu kjörtímabili.  Það er náttúrulega mjög ámælisvert og ráðherranum til skammar enda var hann látinn fara. Þeim mun einkennilegra er að stjórnarskrártillaga stjórnlagaráðs skuli ekki heldur ná að klárast eins og lofað var vegna aumingjaskapar forsætisráðherrans sem hafði með það mál að gera og getur ekki skammað neinn nema sjálfan sig en gerir það af sjálfsögðu ekki heldur kennir stjórnarandstöðunni um, því líkir veraldar aumingjar eru þessir hálfvitar sem kosnir voru á þing. 

þeim er ómögulegt að gera nokkurn skapaðan hlut rétt. Ég er satt að segja búinn að fá nóg af þessum fávitagangi sem þessir bjánar viðhafa á fullu kaupi, þetta er nákvæmlega eins og maður sé að horfa á farsa í leikhúsi en ekki störf vitiborinna manna og kvenna sem þjóðin kaus á þing til að starfa að vexti og viðgangi þjóðfélagsins og stýra okkur út úr þeim skerjagarði sem síðasta ríkisstjórn sigldi þjóðfélaginu inn í og strandaði. Það er algerlega óásættanlegt hvernig þetta vitfirrta þing heldur á málum fyrir umbjóðendur sína. Það er keppst við að eyðileggja allt sem til betri vegar horfir með málþófi og brotthlaupi þingmanna til að ekki sé hægt að vinna þau verk sem vinna þarf. Maður á bara ekki til eitt einasta orð yfir þetta rugl, misbeitingu valds og ofbeldi sem þarna viðgengst svo maður tali nú ekki um lítilsvirðinguna sem þetta lágkúrulega hyski sýnir hvert öðru á vinnustað sínum. Um leið er þetta lið að sýna okkur sem borgum þeim laun, fingurinn og ættum við að reyna að muna það þó ekki væri nema í eitt ár.

ESB og blaðrarinn Össur Skarpi

Ég var að lesa greinar í Bændablaðinu (bls. 30 og 33 í 3. tölubl  2012) sem báðar fjalla um þessa dæmalausu umsókn um aðild að ESB. Það er ekki holt fyrir mann eins og mig að lesa svona nokkuð, allt virðist vera gert til þess að ekki verði aftur snúið þegar kemur að þjóðinni að fella sinn dóm. Þá munu heyrast viðvaranir frá ESB og ESB-sinnum um að felli þjóðin þennan samning muni hún verða af þessu og hinu og þurfi að endurgreiða háar upphæðir  sem hún hafi þegið á aðlögunartímanum sem reyndar átti að vera samningsferli. Síðan munu koma upp frasarnir um að við munum breytast í „Norður Kórea norðursins“  og lifa við sult og seyru ef við kjósum ekki rétt. Ekki má heldur gleyma áliti alþingis á þjóðinni, ekki brigði mér ögn þó okkur yrði sagt að þetta væri of flókið til að láta þjóðina dæma og hætta ætti við þjóðaratkvæðagreiðslu. Þá myndu kratar stökkva fram og segja "mikið rétt þjóðin skilur ekki svona flókið mál sleppum þjóðaratkvæðagreiðslunni" og VG myndi segja "þetta er eitthvað sem alþingi ákveður og við styðjum það"

 Norðmenn fóru aðra leið þegar þeir fóru í sínar könnunarviðræður (tvisvar) og innleiddu ekkert sem ekki var í EES samningnum gangstætt því sem við gerum núna, þeir virtust geta tekið ákvörðun án þess að innleiða allt þetta bull sem við nú gerum og sitjum svo uppi með, undirritaða samninga og yfirtekna án þess að þjóðin hafi verið spurð og eftir að þjóðin segir NEI. Ekki er auðvelt að vinda ofan af þessu eftir á þar sem verið er að leggja mikla fjármuni bæðu frá okkur sjálfum og ESB sem þeir munu heimta til baka. Við þurfum ekki nema horfa á „Makríldeiluna“ til að sjá hvernig smáþjóð gengur að semja við þetta þetta bandalag fyrrverandi nýlenduríkja, ef það fær ekki sitt fram koma hótanir um alslags kúgun og þvinganir og þessar hótanir koma frá ýmsum aðilum innan sambandsins. Ég skora á fólk að lesa greinarnar sem ég minntist á hér að ofan, þær eru mjög góðar og lausar að mestu við fyrirfram gefnar forsendur heldur lýsa þessu eins og það er, finnst mér.

Össur segir í dag að evran sé "handan við hornið" og nú sé bara að halda áfram á fullu gasi og ganga þarna inn sem fyrst. En það er ljóst að við getur aldrei tekið upp evru ef ESB á að samþykkja það, þetta vita flestir, það er bara óskhyggja, evruna fáum við seint því fyrst þurfum við að koma ríkisbúskapnum í svo gott lag að ef okkur tekst það, þurfum við enga evru, þá getum við samið um að taka upp hvaða gjaldmiðil sem er án inngöngu í einhvert bandalag.

En hann Össur stórbullari mun fara að láta heyra oftar í sér um dásemdina sem bíður okkar eftir inngönguna í þetta skrímsli sem bandalagið er. Nótabene ESB er ekki búið til sem góðgerðarbandalag heldur þvert á móti sem bandalag stórra gamalla nýlenduríkja sem voru að tengja sig saman svo minni hætta væri á að þau réðust hvert á annað eins og gerst hafði oft öldum saman. Og það tókst útaf fyrir sig a.m.k. hafa þessi ríki verið til friðs síðan bandalagið var stofnað, bara staðið saman um að fara með heri sína til landa utan ESB.

Össur mun koma oftar og oftar fram með gullkornin sín eftir því sem nær dregur kosningum til að freista þess að ná okkur fíflunum til fylgis við sig og hindra að Lilja Mós nái af flokknum hans meira fylgi en orðið er, en hann þarf ekki óttast hana Lilju, hún mun skilja fljótt við flokkinn sinn og stofna nýjan, húm er nefnilega "flokkakljúfur sjálfrar náttúrunnar" eins og sagt var um annan "flokkakljúf", Hannibal Valdimarsson.

Enn og aftur um lífeyrissjóði

Mér er að verða það nokkuð ljóst að ég fæ ekki eina einustu krónu frá lífeyrissjóðnum (sjóðunum) mínum nú í vor þegar ég verð löggiltur. Umræðan undanfarið hefur fært mér sanninn um það svo ekki verður um villst, allt um fram 70.000 kr á mánuði verður gert upptækt þ.e.a.s. tryggingastofnun greiðir mér 174.000 kr á mánuði eins og þeim sem aldrei hafa greitt í lífeyrissjóð. þetta er lágmarks framfærslukostnaður að mati hins opinbera og þess vegna hirðir það opinbera allt að 70.000 á mánuði frá sjóðnum mínum en mér skilst að það sé nálægt þeirri upphæð sem mér ber frá sjóðnum og þó tæplega, ef ég hins vegar hafði verið hátekjumaður þá fengi ég það sem er umfram þennan 70.000 kall, alltaf sama hliðin upp á teningnum, þeir sem meira mega sín fá alltaf meira en við aumingjarnir sem verðum að lifa á hungur lús en lífeyririnn sem við vorum skildug að safna er hirtur "complet"

Ég hef greitt í lífeyrissjóð frá stofnun þeirra að undanskildum námsárunum. Þetta segir að ég hef verið láglaunamaður alla tíð skilst mér, held reyndar að sjóðirnir hafi brunnið upp fyrstu árin á verðbólgubálinu, en þó hefur mér tekist að lifa en ekki við neitt ríkidæmi en lifað hef ég og skulda engum neitt, síðustu ár, tókst loksins að greiða upp lánin sem ætti að vera huggun fyrir þá sem eru andvaka vegna skuldasúpu, það hef ég eins og flestir reynt á eigin skinni. Hef gengið gegnum margar kollsteypur í þessu peningadrifna samfélagi okkar svo sem, myntbreytingu "tvö núll af reddinguna",  upptöku verðtryggingar og óðaverðbólgu í kjölfarið árum saman eftir það, sem skapaði "68 kynslóðarfárið", en samt hafðist þetta fyrir rest með því að vera í tveimur vinnum stundum þremur og konan útivinnandi eftir að elstu  börnin komust á legg og gátu gætt þeirra yngri, sem myndi sennilega teljast óhæfa í dag.

Menn segja, sumir að minnstakosti, að verðtrygging sé nauðsynleg til að bæta lánadrottnum rýrnun útistandandi skulda vegna verðbólgu, en verðtryggingin slævir hinsvegar löngun stjórnmálamanna og seðlabanka til að taka nauðsynlegar en erfiðar ákvarðanir þar sem skaði fjármálakerfisins verður lítill sem engin af röngum, engum eða beinlínis skaðlegum ákvörðunum, sem svo oft hafa á okkur dunið.

Allar þær milljónir sem ég hef greitt í lífeyrissjóð (i) skipta mig engu máli, akkúrat engu þegar nú kemur að útgreiðslu, þeir sem aldrei greiddu, komu sér hjá því að greiða, fá nákvæmlega jafnmikil (lítið). Ég er ekki að tala um sjúkt fólk eða öryrkja þeir eiga að fá a.m.k. lágmarks framfærslu (ríkis reiknaða) en mér finnst að ég eigi að fá örlítið meira en þeir sem komu sér undan því að borga í lífeyrissjóði og þeir eru margir á mínum aldri af mörgum ástæðum, til dæmis voru svokallaðir einyrkjar, þeir þurftu ekki að greiða í sjóði í upphafi en svo var því breytt en menn borguðu samt ekki.

Svo voru heimavinnandi konur, húsmæður, sem borguðu eðlilega ekki í fyrstu, en í dag hefur þetta breyst flestir greiða í lífeyrissjóð. Þess vegna finnst mér að þessi eignaupptaka sem ríkið leyfir sér, eins og ég nefndi hér ofar, sé óþolandi því eftir nokkur ár um 2020 segja sérfræðingarnir sem allt segjast vita mun þetta breytast og sjóðirnir geta greitt hærra hlutfall og þá ef ég lifi fæ ég kannski örlítið meira en nú er í boði. En það fer eftir því hverjir og hvernig landinu og ríkissjóði er stjórnað, hvort hér verður "ný frjálshyggja" eða "norræn velferðarstjórn".

En við þessir aular sem við erum og með gullfiskaminni í þokkabót, kjósum þennan lýð vil ég segja, yfir okkur aftur og aftur og það mun gerast fljótlega að Bjarni Vafningur Benediktsson verður forsætisráðherra í boði okkar fávitanna og þeir eru eru byrjaðir að stilla upp. Þorgerður "hægri 7" Gunnarsdóttir Tryggvi "Askar Capital" Herbertsson, Illugi "sjóður9"Gunnarsson, Davíð "frá Svörtuloftum síðar Hádegismóri" Oddsson og fleiri og fleiri hrunstjórar fá góðar stöður og ráðherraembætti hjá okkur  fávitunum.

Lífeyrissjóðirnir og umræðan um þá.

Mikil umræða er nú í gangi um lífeyrissjóðina okkar og margir til kvaddir og misgáfulegir. Eitt les ég þó út úr þessari umræðu, menn skiptast aðallega í tvo hópa það eru þeir sem vilja að óbreytt ástand í verðtrygginga málum annarsvegar og svo hins vegar þeir sem vilja verðtrygginguna burtu og að sjóðirnir gefi skuldurum eftir hluta af eða allar verðbæturnar frá hruni og lækki skuldir sjóðfélagana sem því nemur. Auðvelt er að vera sammála báðum hópum og skilja afstöðu þeirra beggja.

Vitringarnir sem telja sig þá einum réttbæru til að fjalla um sjóðina (sáust í Silfrinu í gær 12.2. 2012) Sighvatur Björgvinsson fyrrverandi ráðherra var óðamála í þættinum og spurði spurninga sem hann svo leyfði engum að svara, var með frammígrip og þess háttar dónaskap eins og alþingismenn stunda oft og er þeim til stór skammar sem það stunda. Þarna var einnig Guðmundur Gunnarsson fyrrverandi formaður Rafiðnaðarsambandsins hann telur sig vita allt um lífeyrissjóði og kallar alla umræðu sem ekki er að hans skapi lýðskrum, dylgjur, árásir og alslags stóryrðum í þeim dúr.

Það sem vantaði í þessa umræðu er að þessir menn virtust taka málstað lánadrottnanna, menn töluðu um að skuldarinn hefði fengið lán og bæri að greiða það upp í topp hvað sem liði getu hans til að greiða. Engin virtist gera sér grein fyrir að ef skuldarinn með sitt yfirveðsetta hús gefst upp og fer í þrot, verður sjóðurinn að færa niður skuldina til að geta selt húsið aftur. Þá stenst ekki dæmið hans Sighvats um manninn sem fekk 1.000.000 kr lánaðar og verðbæturnar frá hruni væru 40% og því verði hann að greiða til baka 1.400.000 kr hvort sem hann getur eða ekki og oft hefur verðmæti eignarinnar lækkað líka þannig að eignin er orðin veðsett langt umfram vermæti hennar og þess vegna verður að afskrifa skuldir hvort sem er.

Því fyrr sem fjármálastofnanir og "sérfræðingar" gera sér grein fyrir þessu því betra. Það hlýtir að vera ömurlegt að sjá ekki fram á að eignast nokkur tímann íbúðina eða húsið sem fólk er að greiða af í hverjum mánuði stóran hluta tekna sinna, mig grunar að þeir sem töluðu í Silfrinu hans Egils séu sjálfir komnir fyrir vind með allt sitt og skilja þessvegna ekki skelfingu þeirra sem keyptu eignir á árunum fyrir hrun og standa nú uppi með yfirskuldsettar eignir án þess að hafa gert neitt rangt og þrátt fyrir að hafa upphaflega verið varkárir og aðeins tekið 70% lán til kaupana, eru bara fornarlömb þessa gufuruglaða kerfis sem nákvæmlega þessir umræddu "besservisserar" komu á, sjálfsagt í góðri trú en bjuggu til skrímsli sem þeir geta svo ekki viðurkennt að ráða ekkert við, heldur bulla óðamála í spjallþáttum um að allt fari til andskotans ef skrímslið fær ekki nægju sína.

Baugsklíkan skelfir SjálftökuFLOKKINN.

Það er undarleg afstaða íhaldsmanna að kalla alla sem ekki eru innmúraðir í Sjálftökuflokkinn baugspenna aða að þeir séu í baugsklíkunni og hljóti þess vegna að vera verri en innmúraðir íhaldskurfar eða eðalættaðir skúrkar og sjálftökuliðið. Fyrrverandi Dómsmálaráðherra skrifa á síðu sína um „baugsklíkuna“ en klíkan mun innihalda þá sem skrifa á móti Landsdómi, móti því að dómurinn fái að klára starf sitt sem honum var falið, að reyna að ná fram því að ráðherrar axli ábyrgð á gjörðum sínum. Reyndar er formaður klíkunnar búinn að stefna ráðherranum fyrrverandi fyrir róg eða eitthvað slíkt, en hann skrifaðu heila bók um baugsklíkuna, fulla af rangfærslum skilst mér, hef ekki lesið hana.
Þessum mönnum er slétt sama um og fólkið sem daglega er fyrir rétti vegna minnstu yfirsjóna en hefur ekki hrun heillar þjóðar á samviskunni, það má fara fyrir dómstólana án afskipta elítunnar á Alþingi.

Það virðist gjósa upp einhverskonar samheldni á Alþingi á stundum sem þessum og þingmenn túlka sem neyðarstund og þeim beri að afstýra því með öllum ráðum að félagi þeirra verði skoðaður aðeins. Þetta sama heilkenni kemur líka upp á yfirborðið þegar launamál þingmanna eru til umfjöllunar, þá verður þessi samheldni mjög virk og ræður fluttar um hve þingmannsstarfið sé ábyrgðar mikið og þingmenn eigi allan rétt á að fá hærri laun en aðrir og hærri lífeyri  líka og styttri starfsaldur það sem þetta er mjög erfitt starf þó svo þingmenn fái bæði löng sumar og vetrarfrí eins og leikskólabörn í yngstu aldurshópum, eru núna í leyfi vegna "kjördæmaviku" aldrei verð ég var við þingmenn á mínum slóðum í "kjördæmavikunni".

Oflátungar og illþýði á alþingi?

Stundum er það sagt að þverskurður þjóðarinnar sé á Alþingi. Þetta er ótrúleg einföldun og skrumskæling. Ég sé ekkert sameiginlegt með þjóðinni eins og ég þekki hana og þeim oflátungum og frekjuhundum sem þar sitja, þetta fólk er í því að skammta sjálfu sér betri lífskjör en við venjulegt fólk höfum og gefur skít í vinnuna sína, er bara að gæta sessunautarins á þingi, gæta þess að hann þurfi aldrei að standa fyrir neinu sem hann gerir (af sér) eða gerir ekki. Það er svolítið broslegt að heyra rök þessara bjána fyrir því að koma vinnufélögum og vinum til hjálpar."ég gerði mistök þegar ég vildi (óvart) láta vin minn sæta ábyrgð á því sem hann gerði þjóðinni, það var rangt af mér“, snökt. Staðreyndin er sú að Ögmundur, Guðfríður Lilja, Atli Gísla og fleiri spjátrungar eru þarna einungis til að vekja athygli á sjálfum sér enda að stofna nýja flokka og hindra að nokkurt einast mál nái fram að ganga hjá núverandi stjórnarflokkum og alveg sérstaklega ef það  snýst um að breyta einhverju í þessu landi til betri vegar, fá úr því skorið hvort ráðherrar beri einhvern tímann ábyrgð á því sem hann/hún aðhafast í starfi. Þeir kalla alla sem skrifa og tala ekki eins og þeir "baugsklíku/baugspenna" en í klíkunni eru td. menn eins og Hallgrímur Helgason sem vogaði sér að skrifa í helgarblað DV á dögunum um vörn Bjarna Ben vegna Landsdómsmálsins, hugsið ykkur framhleypnina hjá þessum "klíkumönnum" ráðast á sjálfan formann Sjálfgræðisflokksins og dylgja um Vafning og segja hann um hálsinn á formanninum, Guð hjálpi þessum mönnum. Formaðurinn þurfti að skrifa langa varnar grein í málgagn flokksins, Moggann, sér til varnar, eyða dýrmætum tíma sínum í að "leiðrétta" grein klíkumannsins og síðan spratt fram fjöldi undirsáta formannsins og skrifuðu líka og hældu grein formannsins í hástert (það er nauðsynlegt til að fá að vera áfram í liðinu). Og svo segja þessir klíkumenn að sjálfur guðinn þeirra, Davíð Oddson sé "pólitískur hryðjuverkamaður" að hugsa sér.

Stóra saltmálið.

Þá er það stóra saltmálið sem rak á fjörur fjölmiðlanna, mikið er þetta gott fyrir þessa vesælu miðla okkar sem eru eins og undanvillingar þegar þingið er í jólafríinu sínu, æða út um allt og leita að einhverju sem gæti stytt þeim stundir. Og viti menn þeir fundu stóra saltmálið. þarna var komið mál sem mátt þvæla fram og aftur fréttatíma eftir fréttatíma spyrja einhverja sjálfkjörna eða pólitískt ráðna "besser vissera" um þetta "dæmalausa mál" og ekki stendur á svörum frá þessum bjánum þó þeir hafi ekki gripsvit á málinu frekar en ég. Svörin eru öll á einn veg, eintómt bull og þvæla, gersamlega gagnslaust þvaður. Einhver framsóknarþingmaður/þingkona sagði að þetta saltbull væri runnið undan rifjum kratanna til að koma óorði á íslensk matvæli, þessu vil ég trúa því þeir reyna endalaust að telja okkur trú um að allt sé betra sem frá ESB kemur, en held nú samt að það sé orðum aukið.

Staðreyndin er að þetta salt er ekki hættulegra til notkunar hér á landi en í öðrum evrópulöndum þar sem það er notað, þetta er ekki sér framleitt fyrir Ísland. Til hvers er "iðnaðarsalt" notað ef ekki í iðnaði? Iðnaðarsalt er minna unnið og þess vegna ódýrara en matar salt en ekkert hættulegra, kemur úr sömu námu, það er minna sigtað og þessvegna grófara og hentar ekki til að setja í saltstauka með litlum götum, á veitingastöðum og í heimahúsum.

Spánverjar gerðu kröfu hér áður fyrr um að salt framleitt á Spáni færi í þann saltfisk sem þeir keyptu af okkur og við því var orðið. Ég kom oft til Torrevieja og Almería á Spáni til að sækja salt þegar ég var til sjós. Þar er saltið framleitt þannig að sjó er dælt upp í grunn lón og sólin látin eima vatnið frá sjónum og verður þá saltið eftir á botni lónsins. Því er síðan ýtt með jarðýtu í haug við annan enda lónsins, þar er það oft lengi áður en því er mokað upp á færiband sem færir það til skips í "bulk" þ.e. í lausu. Ekki kæmi mér á óvart að eitthvað gæti blandast saltinu meðan það bíður flutnings. Síðan er saltinu mokað með krabba á vörubíla þegar heim er komið, líka í lausu, og því sturtað inn á gólf í fiskvinnsluhúsinu og því mokað yfir fiskinn eða sett í pækil. Þetta þekkja allir sem hafa unnið í fiski á Íslandi.


Torrevieja Salt production. Er þetta iðnaðar salt? eða fer það í fiskinn okkar.

Oft eru notaðar "traktorsgröfur" í lestum skipsins til losa um saltið að færa að krabbanum. Það má gera sér í hugarlund að ýmislegt geti komist í saltið frá því sjónum var dælt upp í lónið á Spáni þar til það fer í fiskinn hér heima gröfur, sem kannski eru notaðar til að moka haughús og ýtur geta lekið olíu, óhreinindi og nagdýr geta verið í lestum skipsins einnig getur opinn pallur vörubílsins verið óhreinn (td. fuglaskítur á honum) og svo geta komist óhreinindi í hauginn í salthúsinu hjá fiskverkandanum.Mér skilst reyndar að í dag sé salt sekkjað í stórsekki af innflutningsaðilum hér heima og einnig flutt inn í þessum stórsekkjum en stundum geymt úti í þeim, bæði hér heima og erlendis og telst þá væntanlega "Iðnaðarsalt". Hversu stór hluti saltsins sem notaður er í saltfiskverkunar er sekkjaður veit ég ekki.  Ekki minnist ég þess að hafa heyrt um fjöldadauðsföll vegna saltfisksáts.