Flestir eru nú að skreiðast úr sumarfríum sínum þessa dagana en Alþingismenn verða eitthvað áfram í fríi sem er bara gott en málþófið byrjar jafnharðan og þingmennirnir mæta til "vinnu" ef sá eðjuslagur sem stundaður er á Alþingi getur talist vinna. Það er ótrúleg lítilsvirðing sem þetta fólk sýnir þjóðinni sem greiðir því laun og ætlast til að hún (þjóðin) beri virðingu fyrir þessu háttarlagi.
Öll höfum við sem komin eru eitthvað frameftir æfinni séð ýmislegt frá þessu fólki sem við kusum og treystum til að standa við það sem sagt var fyrir kosningar. Það hefur bara versnað ár frá ári, ekkert er orðið að marka það sem sagt er og er ömurlegt að sjá þetta fólk reyna að snúa út úr eigin kosningaloforðum. Í þessu sambandi má nefna að flestir þingmenn VG sögðu fyrir og strax eftir síðustu kosningar að þeir teldu íslandi betur borgið utan ESB enn innan.
Þegar þau svo fóru í að mynda stjórn með krötum köstuðu þau þessari sannfæringu sinni fyrir róða og fóru að tala um að þjóðin ætti að fá að kjósa um tilvonandi ESB-samning og þá spyr maður hvar bað um það? Ekki var það þjóðin. Þetta er búið að kosta almenning (skattgreiðendur) milljarða króna og engin endi virðist á þeim ósköpum. Nú rétt fyrir kosningar rjúka menn upp til handa og fóta og segja að best sé að hætta við þetta allt eða fresta þessum viðræðum fram á næsta kjörtímabil, var þetta það sem VG lofaði fyrir síðustu kosningar að þjóðin ætti að standa í viðræðum við ESB næstu tvö kjörtímabil með ærnum tilkostnaði? Nei, hættið þessum viðræðum strax, hættið þeim endanlega núna.
Fiskveiðifrumvarp (kvótafrumvarpið) VG er alveg óskiljanlegt og alger svik við kjósendur flokksins það stóð til að innkalla kvótann og úthluta honum aftur en þá fyrir sanngjarna greiðslu eða leigu (Fyrning/innköllun) og virtist þetta sjónamið vera uppi, einnig hjá krötum já og öllum þorra landsmanna. En aldrei var talað um 40 ára úthlutun til núverandi kvótahafa fyrir kosningar, ekki minnst á slíkt. Það er óhugnanlegt hve lítið frambjóðendur til þings okkar leggja uppúr því að standa við það sem þau segja fyrir kosningar og er í stefnuskrám flokka þeirra, þeir gefa algera skít í kjósendur með þessu framferði, ömurlegt er svo að horfa upp á þetta fólk snúa út úr öllu sem það sjálft sagði við okkur lýðinn sem kaus það, minnir á Forsetann sem sagðist ætla að snúa sér til annara starfa, það heyrðu allir hann segja þetta í áramótaávarpinu sínu, hann talaði skýrt en honum tókst samt að snúa svo rækilega út úr þessum orðum að þau þýddu að að hann ætlaði að halda áfram í embætti í fjögur ár???
Hr. Duderoppe.
Það er von mín að þeir sem hugsanlega lesa þetta blogg skaðist ekki við lesturinn, þetta eru bara mínar pælingar. Ég hef aldrei tengst stjórnmálaflokki og skrifa bara út frá mínum forsendum!!!
20 ágúst 2012
13 júlí 2012
Enn eru menn að tala um evru sem gjaldmiðil hér?
Það er nánast eða alveg óskiljanlegt að menn skuli en vera
að tala um evru sem gjaldmiðil á Íslandi, fylgjast menn ekkert með þróuninni í
Evrópu? Við værum algerlega gjaldþrota ef við hefðum verið með evru í hruninu,
það hljóta allir hugsandi menn að sjá, Það er eins og menn átti sig ekki á að
ef við hefðum verið með evru hefðum við þurft að bjarga öllum bönkunum hér á
landi eins og verið er að reyna úti í Evrópu núna og mun ekki ganga að mínu mati
margir þeirra munu fara á hausinn með skelfilegum afleiðingum fyrir almenning í
þeim löndum þar sem það gerist því ekki
geta ríkisstjórnir þeirra landa tryggt innistæður á reikningum eins og hér var
gert, innistæður á Íslandi voru að stærstum hluta í íslenskum krónum og allt
hagkerfið líka þess vegna gat ríkið hér prentað krónur til að við gætum áfram
átt okkar innistæður (sem ég átti engar) og eytt þeim í mat og aðrar
nauðþurftir þó svo við þyrftum að fá hjálp til að kaupa erlendar nauðsynjar og
vörur sem hækkuðu svo í verði, þá gekk kerfið, við fengum útborgað og ríkið fór ekki á
hausinn eins og allt stefnir í hjá mörgum löndum Evrópu einmitt þar sem evran
er við líði. Ég er ekki búinn að sjá Þjóðverja taka því þegjandi að borga alla
óráðsíu evrópubúa einir og sér eins og allt stefnir í að verði að vera ef
bjarga á evrunni, því engin önnur þjóð á þá fjármuni sem til þarf nema þá
frakkar sem eru miklu tregari til að borga neyslu annara.
Og svona "til sidst" Af síðum Visis.is
"Danir spara sér þúsundir milljarða á að vera utan evrunnar
Danskir hagfræðingar hafa reiknað það út að Danir hafi sparað sér þúsundir milljarða króna með því að halda sig fyrir utan evruna.
Fjallað er um málið í Jyllands Posten en þar segir að ef Danir hefðu verið með evruna sem mynt undanfarin 12 ár hefði það þegar kostað þjóðarbú þeirra 338 milljarða danskra króna eða sem svarar til rúmlega 7.000 milljarða króna.
Christian Björnskov lektor í hagfræði við viðskiptaháskólann í Árósum segir að það hafi verið snjall leikur hjá Dönum að taka ekki upp evruna í upphafi og síðan enn snjallara að forðast hana eftir það.
Í fyrrgreindi upphæð er m.a. að finna 87 milljarða danskra króna sem Danir hefðu þurft að borga inn í ESM, hinn sérstaka björgunarsjóð evrusvæðisins og 156 milljarða danskra króna sem Danir hefðu þurft að ábyrgjast í Evrópska seðlabankanum fari svo að eitt af evrulöndunum verður gjaldþrota.
Björnskov segir að engin önnur lönd en evrulöndin geti borgað reikninginn vegna vandamálanna á evrusvæðinu og Danir sleppi við þann bagga með því að hafa haldið í krónuna sína."
Og svona "til sidst" Af síðum Visis.is
"Danir spara sér þúsundir milljarða á að vera utan evrunnar
Danskir hagfræðingar hafa reiknað það út að Danir hafi sparað sér þúsundir milljarða króna með því að halda sig fyrir utan evruna.
Fjallað er um málið í Jyllands Posten en þar segir að ef Danir hefðu verið með evruna sem mynt undanfarin 12 ár hefði það þegar kostað þjóðarbú þeirra 338 milljarða danskra króna eða sem svarar til rúmlega 7.000 milljarða króna.
Christian Björnskov lektor í hagfræði við viðskiptaháskólann í Árósum segir að það hafi verið snjall leikur hjá Dönum að taka ekki upp evruna í upphafi og síðan enn snjallara að forðast hana eftir það.
Í fyrrgreindi upphæð er m.a. að finna 87 milljarða danskra króna sem Danir hefðu þurft að borga inn í ESM, hinn sérstaka björgunarsjóð evrusvæðisins og 156 milljarða danskra króna sem Danir hefðu þurft að ábyrgjast í Evrópska seðlabankanum fari svo að eitt af evrulöndunum verður gjaldþrota.
Björnskov segir að engin önnur lönd en evrulöndin geti borgað reikninginn vegna vandamálanna á evrusvæðinu og Danir sleppi við þann bagga með því að hafa haldið í krónuna sína."
04 júlí 2012
Forseti vor, klappstýran og hrokagikkurinn!!
Nú eru nokkrir dagar frá forsetakosningunum og virðist
Forsetinn vera hættur í bili að gefa út tilskipanir um hvernig hann ætlar að standa að
embættisfærslu sinni þangað til hann gerir okkur þann greiða að koma sér burtu
úr embættinu en hann segist geta verið í embætti eins lengi og honum þóknast.
Allt er þetta nú skrítið, ég kaus hann fyrir 16 árum en síðan kaus ég ekki fyrr
en nú en þá til að losna við hann úr embætti sem ekki tókst í þetta sinn en ég
mun reyna aftur. Það sem veldur mér hugarangri er að Davíð Oddsson skuli nú
vera hans aðal stuðningsaðili og náttúrulega náhirð hans öll (framsókn
innifalin) sem æfinlega fylgir foringja sínum í öllum vondum málum og þessu
líka.
Það er kannski ekki mikil reisn yfir þessu hjá mér sem kaus
manninn á sínum tíma 1996 en ég tel mig hafa það mér til málsbóta að hann leit óneitanlega
vel út með eiginkonu sína þá fyrri sér við hlið. En eftir að hún lést fór
sjarminn af honum að mínu mati og versnaði mikið og fljótt þegar sú nýja kom til sögunnar.
Það er ekki henni að kenna, hún er ágæt og ekkert upp á hana að klaga síður en
svo. Hann fór að fara í útreiðatúra og á skíði, beinbrjóta sig hvað eftir annað og sýnist mér hann hættur þessi monti og gengur nú bara kraftgöngu á Berssastaðatúninu og held ég að það hæfi gömlum manni ágætlega.
En gamli karlinn virðist hafa misskilið eitthvað í ferlinu því hann
umturnaðist og breyttist í svokallaða klappstýru fyrir útrásina og græðgina sem
geisaði á árunum fyrir hrun, ég fullyrði að það hefði aldrei gerst ef Guðrúnar
Katrínar hefði notið við, en nýja konan er vellauðug og svo miklu yngri en hin virðulegi Forseti sem gæti haft áhrif á hégómagirndina hjá gömlum manni, sjötugum.
Forsetinn virðist hafa verið lostin eldingu um leið og hann
krækti í þessa ungu og fallegu konu sem nú á að vera „öryggisventillinn“ okkar
gagnvart ruglinu sem hefur heltekið aumingja manninn. Mér sýnist við eiga eftir
að sitja uppi með Forseta sem mun reyna að sölsa undir sig vald sem honum ekki
ber og engin hefur beðið hann um að fara með. Hann ætlar, til að mynda, að
stjórna því hvernig stjórnarskrá Lýðveldisins Íslands á að líta út, en það
hefur engin beðið hann um það svo ég viti og held ég að það muni renna tvær
grímur á suma sem kusu hann núna þegar hann fer að káka í stjórnarskránni með
það í huga að auka völd sín og embættisins en þar liggur hans áhugasvið.
Ég sé fyrir mér svipinn á Davíð þegar hann setur
fiskveiðistjórnunarfrumvarpið í þjóðaratkvæðagreiðslu en Steingrímur kann á Forsetann
og mun bara hafa frumvarpið í samræmi við það, það er að segja það sem þjóðin
vill, innkalla heimildirnar og úthluta þeim aftur með gjaldtöku og þannig
verður þá frumvarpið væntanlega.
Íhaldið segist ætla að afnema veiðleyfagjaldið strax og þeir
komast í ríkisstjórn en Ólafur mun ef að líkum lætur setja þau lög strax í
þjóðaratkvæði og það mun þjóðin fella með miklum meirihluta, en Forsetinn hefur
talað og sagt að þetta mál sé sérsniðið fyrir þjóðaratkvæði og verður
minntur á það, því hann segist hafa talað skýrt.
31 maí 2012
Fær þjóðin að kjósa, ég efast um það.
Ég er ekki viss um þessa stundina að við þjóðin fáum að
kjósa um ESB aðild a.m.k. ekki bindandi kosningu. Írska ríkisstjórnin sem sætti
sig ekki við NEI við inngöngu lét kjósa, eftir mikinn áróður, aftur til að ná Jáinu
sem stjórnina (ekki þjóðina) þyrsti svo í, allir vita hvernig fór, sama gæti auðveldlega gerst hér eða bara segja "kosningin er ekki bindandi fyrir Alþingi"
og er því marklaus.
Íslenskum stjórnmálamönnum er ekkert heilagt þeir neituðu að
gefa þjóðinni kost á að kjósa um inngöngu í Nató um árið og eins þegar EES samningnum var troðið upp á okkur án umræðu
að heitið geti, því var haldið fram að samningurinn væri svo flókin að
venjulegt fólk skildi hann ekki og honum troðið gegnum þingið.
Það eru að poppa upp miklir lagabálkar enn þann dag í dag
sem sagðir eru í EES samningnum en hafi aldrei verið teknir yfir en nú verðum
við að gera það annars vill ESB ekkert við okkur tala. Þannig halda þessi
landráðaöfl sem stjórna landinu okkar að smá ýta okkur inn í þetta Evrópusamband
sem þjóðin vill ekki vera í, alls ekki. Muna skulum við að fljótlega verður farið að tala um þessa IPA mútur sem algöra nauðsyn fyrir okkur og svo verður sagt, ef þið (fíflin ykkar) kjósið ekki rétt þá munum við þurfa að borga múturnar til baka og það engar smá, munum þetta!!!!! Athugum það að eftir næstu kosningar gætu stjórnarflokkarnir með stuðningi smáflokkana sem nú verða til, komist til valda og munu þá segja eins og nú "við verðum að klára þetta ESB mál og kjósa síðan um niðurstöðuna", hafa menn heyrt þenna áður??
Það er jafnvel farið að læðast að mér æ oftar að kjósa íhaldið eða framsókn og vona að þeir flokkar komist að eftir næstu kosningar og stöðvi þetta ferli í eitt skipti fyrir öll. Öðruvísi mér áður brá, íhaldið og framsókn voru alls ekki í myndinni þvert á móti en það þíðir ekki að berja hausnum við steininn það verður stundum að gera það sem þarf til að mál fari á þann veg sem maður vill og trúir að sé best fyrir þjóðina, en mér býður við að gera þetta en nauðsyn brýtur lög.....
Það er jafnvel farið að læðast að mér æ oftar að kjósa íhaldið eða framsókn og vona að þeir flokkar komist að eftir næstu kosningar og stöðvi þetta ferli í eitt skipti fyrir öll. Öðruvísi mér áður brá, íhaldið og framsókn voru alls ekki í myndinni þvert á móti en það þíðir ekki að berja hausnum við steininn það verður stundum að gera það sem þarf til að mál fari á þann veg sem maður vill og trúir að sé best fyrir þjóðina, en mér býður við að gera þetta en nauðsyn brýtur lög.....
25 apríl 2012
Vaðlaheiðargangnagerðamannaverkstjóralyklakippuhringurinn.
Vaðlaheiðargöng eru nú í umræðunni og sýnist sitt hverjum,
Kristján Möller segist aukast "gubbupestin" við að heyra til sam
þingmanna sinna og þá náttúrulega þeirra sem ekki vilja að ríkið sé í ábyrgð
fyrir framkvæmdinni en eigendurnir verði einhvert einkahlutafélag sem svo
þjóðnýtir tapið og hirðir gróðann. Hvað þyrfti þessi Kristján Möller að verða
gamall til að sjá hversu galið svona fyrirkomuleg er.
Ef kostnaðaráætlun stenst
og allt er eðlilegt myndu fjármálastofnanir og lífeyrissjóðir ekki þurfa ríkisábyrgð
á verkinu en svo er ekki kostnaðaráætlanir í þessum verkum fara yfirleitt 50%
framúr áætlunum og þess vegna vilja lánveitendur ríkisábyrgð svo
einfalt er það.
Steingrímur J. og þessi Kristján virðast eingöngu vera að hugsa
um að koma nokkrum búkollum og gröfum í vinnu í kjördæminu því svona framkvæmdir eru ekki
mannfrekar með tilliti til hversu mikið fé fer í þetta. Ég held að ælupestin
hjá mér fari vaxandi þegar ég heyri minnst á þetta fyrirbær, það má vel vera að
þessi göng séu arðbær framkvæmd og þá á ríkið að eiga hana og reka en svo mega
einkahlutafélög líka eiga hana fyrir mér en þá á ríkið ekki að koma nálægt
verkinu.
Fjármálaráðherrann (ráðfrúin)
virðist vera mjög hlynnt þessu rugli og segir það þá sína sögu um hana og
hvernig þetta kjördæmapot virkar bæði Steingrímur og Möllerinn eru úr þessu
kjördæmi og berjast hatramlega fyrir þessu og segir það líka sína sögu um þá
kumpána, ekkert hefur breyst og mun ekki gerast meðan þessir gömlu
kjördæmapotarar eru á þingi. En ég er að verða þreyttur á þessari langloku sem þetta gangna kjaftæði er orðið og minnist þess þegar við sem börn vorum að leika okkur að búa til löng orð sem gæti litið svona út í dag Vaðlaheiðargangnagerðamannaverkstjóralyklakippuhringurinn.
24 apríl 2012
Landsdómur - fárálegur og sprenghlægilegur!!!
Það er ekki skrítið þó þessi þjóð okkar lendi í hremmingum
eins og bankahruni þegar henni er stjórnað af öðrum eins gáfnaperum og birtust
okkur á sjónvarpsskjám landsmanna í gær eftir uppkvaðningar dóms í landsdómsmálinu svokallaða gegn Geirs Haarde . Þar gaf að líta ofalin
ríkisstarfsmann sem aldrei hefur gert neitt nema sjúga spenann alla sína æfi.
Hann hreytti út úr sér svívirðingum í allar áttir og bar dómstólnum á brýn að
hafa látið pólitík ráða dómsniðurstöðunni og þar langa mig að vera honum
sammála ef svo hefur verið en á öðrum forsendum en hann. Hafi pólitík komið inn
í þennan dóm kom hún frá Geir og hans liði því hann var næstum sýknaður af öllu
því sem þjóðin veit að hann gerði en sakfelldur fyrir eitt atriði sem verður að
teljast góð niðurstaða fyrir hann, að mínu mati hafa stórkostlegar árásir
snatthundanna hans Geirs á saksóknarann, dómaranna og þingmannanefndina sem gaf út ákærurnar hafi stórskaðað málið allt, enda tilgangurinn sá eini að
hafa áhrif á dómarana og dóminn í heild sinni. Flokkurinn hans Geirs hefur klíkað mörgum dómurum úr sínum röðum inn í
dómakerfið á undanförnum áratugum og hljómar nánast sprenghlægilega að tala um
að einhverjir aðrir hafi „laumað
pólitík“ inn í réttinn bakdyramegin, það hafa þeir sjálfir gert.
Það var líka sprenghlægilegt að sjá Geir koma leiðandi
konuna sína hönd í hönd og á eftir fylgdu öll börnin 5 og tengdabörnin fylktu
liði gott ef ekki barnabörnin líka, það skildi þó aldrei hafa verið „Show“ sem hann sakar aðra um að viðhafa
í þessu máli. Mér varð allavega hálf bumbult að horfa uppá þetta, konuna hanns og alla elítuna úr
flokknum kyssa og klappa Geir eftir að þessi „fáránlegi og sprenghlægilegi“ dómur var kveðin
upp og gott ef sumir felldu ekki (gleði) tár í þokkabót.
Máli
sínu til stuðnings lúsleitaði hann svo að einhverju á Steingrím J. Og fann loks
mál frá 1990 þar sem Steingrímur átti að hafa selt jarðarskika í Ölfussinu án
þess að hafa leyfi til þess en þetta var ríkisjörðin Kirkjuferjuhjáleiga,
Sjálfstæðismenn eins og hann sagði, björguðu honum út úr vanræðunum, samþykktu
leyfi til sölunnar eftir á og fannst honum að þetta „góðverk“ þeirra dæmi um að
þeir hjálpuðu samstarfsmönnum sínum gagnstætt því sem Steingrímur og hans fólk
gerðu, þau kærðu samstarfsmenn sína fyrir smá yfirsjónir eins og bankahrun og
ICE-save . Nú spyr ég, var það löglegt að „hjálpa“ Steingrími út úr klúðrinu
eftirá, ég tel það borðliggjandi að þeir hafi bætt einu lögbroti ofan á annað
og óskiljanlegt af hverju hann var að rifja þessa lögleysu upp og spurning
hvort það sé of seint að kæra þá kumpána fyrir þetta athæfi og kannski senda
það til mannréttindadómstólsins til meðferðar þar sem þeir hafa greinilega
brotið jafnræðisregluna með þessu.
15 apríl 2012
Fundur um landbúnaðarmál í boði ESB-krata og prófessora þeirra
Kratar héldu ráðstefnu
í fyrradag (13.4.) að Bifröst í Borgarfirði, þar á að ræða nýtt landslag í landbúnaði og
nýjar áskoranir. Þar er einn mesti, ja hvað skal segja, „landbúnaðarsérfræðingur“
landsins hagfræðiprófessorinn sem talar nánast ekki um neitt nema landbúnað og hversu
hrikalega óhagkvæmur hann sé, þó svo hann tilheyri óhagkvæmasta
háskólasamfélagi heims (minnstakosti 5 háskólar í 300.000 manna samfélagi) og
þetta er auðvitað allt greitt af okkur skattgreiðendum eins og vera ber en við
höfum bara ekkert um það að segja hve margir og óhagkvæmir háskólar eru reknir
í landinu. Það er ekki meiningin að deila á háskólana enda hef ég ekkert vit á
þörfinni frekar en prófessorinn á landbúnaði. Prófessorinn segir að það verði
að hætta þessari smábýlarómantík og stækka búin til muna til að ná fram hagkvæmni.
Ég hef unnið í kjúklingageiranum í um 35 ár og þekki það allvel
til og þar er þessu alveg öfugt farið, stóru búin hafa í áratugi verið rekin
með tapi og gjaldþrotum endalaust lent í eigu bankana hvað eftir annað og það
löngu fyrir hrun. Við sem smærri erum höfum mátt keppa endalaust við fyrirtæki
sem bankarnir hafa afskrifað skuldir af og endurfjármagnað mörgum sinnum og
rekið árum saman sjálfir. Þessi háttur hefur veðið hafður á í svínaræktinni
líka, gjaldþrot þeirra stóru aftur og aftur a.m.k. flestra stóru búanna. Þetta
form hefur líka þekkst í eggjaræktinni þó í minna mæli sé.
Ég get ekki ímyndað mér að það verði öðruvísi í kúa og
sauðfjárrækt verði þar örfá stór og stórskuldug bú. Mér finnst að prófessorinn ætti
að kynna sér skuldastöðu stórubúanna í kjúklinga, svína og eggjaræktinni áður
en hann fullyrðir að það muni koma „hefðbundnu“ búgreinunum til góða að stækka
búin.Einnig mætti hann kynna sér hve oft þau hafa farið á hausinn og verið
endurreist. Það hefur verið mjög líkt mynstur í ESB löndunum, stóru búin hafa
farið umvörpum á hausinn og verið endurreist og farið aftur á hausinn þetta er
alþekkt í þessum búgreinum í Evrópu allri en smærri búin hafa staðið sig betur.
Það er engin hagkvæmni í stórum búum það kennir reynslan
okkur, aðalatriðið er hvernig búin standa hvað varðar fjármögnum þ.e. að þau
skuldi ekki meira en þau fái risið undir en það hefur ekki verið mikið spáð í það
hingað til bara keyrt á því að allt stórt sé gott, svona eins og var alsiða á
græðgisárunum 2003-2007 og allir eða flestir vita hvernig það fór. Ég fullyrði og get staðið við það að ef stórubúin ná inn fyrir kostnaði hjá sér þá stór græða smærri búin.
Gerast áskrifandi að:
Færslur (Atom)