Þá snýr nýr flötur teningsins í STÓRA Baugsmálinu upp og það ískrar í fjölmiðlum af ánæju og gleði yfir að geta haldið áfram að skrifa þessa revíu sem aldrei verður raunverulega sýnd í heild sinni þar sem lokaþátturinn (dómurinn í málinu) verður aldrei skrifaður, það vita allir. Núna finnst mörgum að komin séu þáttaskil í málið og nýjir sökudólgar fundnir. Það getur vel verið að Styrmir hjá Mogganum hafi sýnt það dæmalausa dómgreindarleysi að hjálpa til að koma þessu máli af stað vegna hefndarhugs Jónínu Ben. í garð Baugsmanna en ég trúi því ekki fyrr en allt liggur á borðinu. Annars er svo sem hægt að segja manni allt í þessum efnum og það ótrúlega er oft satt. Baugsmenn hafa að sjálfsögðu alltaf vitað eitthvað, en geymt það þar til núna, en látið leka örlítið út til valina persóna í revíunni. Það er langt síðan menn fóru að tala um að áhrifamenn í sjálfstæðisflokknum stæðu á bak við þennan málatilbúnað allan, ef síðustu fréttir eru réttar þá hafa Baugsmenn haft rétt fyrir sér og Davíð er kominn í mjög vont mál, nema hann þegi þunnu hljóði um þetta allt, neyti að tjá sig, eins og hann hefur oft gert og komist upp með, að mínu mati vegna þess hvað stóru fjölmiðlarnir Mogginn og RÚV eru tengd þessum spillta flokki hans. Davíð þarf ekki að kvíða neinu, hann er búinn að koma sér vel fyrir og hækka bæði eftirlaunin sín og nú síðast bankastjóralaunin í seðlabankanum sér til handa. Eins og spaugstofumenn sögðu í gær “heppinn” hann Davíð.

Þá er helgin liðin og ekkert meira um það að segja nema að ég fór í sextugsafmæli í gær og voru þar fínar veitingar margar brauðtertur og rjómatertur ásamt ýmsu öðru. Ég er hinsvegar vanur því að menn helli gesti sína fulla þegar þeir verða sextugir, en reyndar vissi ég það fyrir fram í þessu tilfelli að ég kæmi jafn ófullur úr veislunni eins og ég fór í hana. En það var svolítið skrítið að í morgun virtust taka sig upp gamlir timburmenn því það var ekki laust við að ég væri með höfuðverk eins og ég fæ eftir önnur sextugsafmæli. Þetta segir mér að það er sama hvað þú drekkur og étur ef þú gerir það í óhófi þá færðu eftirköst, kaffi í óhófi er ekki betra en annar vökvi hvað þetta snertir og þó kannski örlítið....
En fyrripart gærdagsins var ég að gera það sem ég hef verið að gera þ.e. leika mér í skúrunum mínum og horfa á kjúklingana mína éta mig út á gaddinn, síðast en ekki síst skemmta mér með hundinum honum Salómon. Á laugardaginn fékk ég hinsvegar afa strákana mína, bræðurna tvo í heinsókn það langt síðan þeir komu síðast eða um tvær vikur. Það var stuð á þeim eins og vanalega og hressandi að fá fólk í heimsókn sem hreyfir sig svolítið.
Rauðvínið er orðið mjög gott (að mínu mati) og hefur lækkað örlítið í kútnum síðan um síðustu helgi og er mér það mikil ráðgáta því ég hef bara rétt smakkað á kútnum:->
Logi

Komið haust Esjan er orðin hvít niður í miðjar hlíðar og veðurstöðin mín segir að hitinn úti sé 3,5 ºC og vindhraðinn 8 m/sek klukkan 6:45 í morgun, en vindkælingin -1,0 ºC. Eftir þessa upplifun ákvað ég að vera heima og vorkenna mér vegna stokkbólginar hásinar á hægri fæti sem er að drepa mig stundum, reyndar er þessi sin búinn að vera meira og minna bólgin í svona tvö ár þannig að það er ekkert nýtt en stundum nennir maður ekki að skakklappast í vinnunni enda á verktakasamningi og eina vonda við að vera heima einn dag er að maður fær ekkert borgað fyrir það.
Nú eru blikur á lofti í efnahagsmálum okkar, allir sérfræðingar landsins keppast nú við að segja okkur að nú sé allt að fara til helvítis verðbólgan komin í mikið stuð og er farin að nálgast gömul gildi og virkar eins og gamlir timburmenn séu að taka sig upp. Í sjónvarpinu sátu fyrir svörum spikfeitir peningana verðir og kenndu hver öðrum um hvernig komið væri. Það er svo skrýtið að ég vélstjórinn vissi þetta fyrir löngu, því nú segja þessir, fábjánar vil segja, að lang stærsti hluti verðbólgunnar sé gengdarlaus lán til húsnæðiskaupa sem þeir segja nú að hafi farið úr böndunum og aldrei hefði átt að lána svo hátt hlutfann kaupverðs (100%) eins og gert var og nú sé of seinnt í rassinn gripið þegar allt er komið í buxurnar. Ég segi aumingja fólkið sem tók þessi lán. Þegar bankarnir kippa að sér hendinn og lækka lánshlutfallið í 70 til 80% eða jafnvel 60% eins og heyrst hefur, þá getur enginn selt og faseignaverð lækkar fljótt.
Það er eitt sem ég skil ekki og það er hvað þessir djöfulsins fávitar eru lengi að sjá hluti gerast, allir sem ég þekki eru búnir að sjá þetta fyrir löngu, það er eins og þeir lifi ekki í sama þjóðfélagi og við hin (við heimskingjarnir), það eina sem ég veit um peningamál er að peningar verða ekki til úr engu, það hef ég reynt á sjálfum mér, en þessi fífl halda að peningar verði til með því einu að skrifa tölu á blað, þetta fólk er með margra ára háskólagöngu á launum sem skipta milljónum á mánuði, nú segja vanvitar seðlabankans að skuldir íslendinga erlendis hafi stór aukist og séu komar á hættu stig, hvaðan héldu þessir apar að peningarnir kæmu?? það verða heldur ekki til peningar við það eitt að skuldbreyta lánum fólks, greiða upp gömul íbúðarlán með nýjum, hafi fólk haldið það, kemst það að því gagnstæða núna þegar verðbólgan stefnir í 6,5% , þá eru “hagstæðu” skuldbreytingalánin orðin að stóru vandamáli, vextir og verðbætur að skríða í 11% svo missir fólk líka vinnunna þegar allar húsbyggingarnar hætta um leið og lánshlutfallið dettur niður í eitthvað eðlilegt eða svona 70%. logi

Komin helgi og ég en að vesinast í gullstykkjunum mínum úti í bílskúr. Núna hillir undir að ég komi vélunum eða bílnum inn í skúrinn, ásamt fjórhjólinu að sjálfsögðu, það verður að geymast inni. Ég var að setja hillur og einandra loftið í gullasafninu og það get ég þó viðurkennt að ég var þreyttur þegar ég kom inn eftir 8 tíma messu þarna úti. Já ég setti líka árekstrarvörn á kaldavatnsholuna mína, því það munaði ekki miklu þegar snjóaði síðast hér fyrir um þremur árum minnir mig, að ég keyrði næstum yfir/á hana vegna þess að lokið á henni stendur aðeins 20 cm upp úr jörðinni og var snjóað í kaf, en rafmagns tengingar ofl. fyrir dæluna eru í lokinu sem er úr áli og myndi ekki standast 6 tonna Bobcat ef honum yrði ekið á holutoppinn. Í árekstrarvörn notaði ég rándýrt burnrör sem ég keypti hjá Loftorku ásamt steyptu loki samtals 450 kg, síðan setti ég töluveraðan jarðveg að rörinu (sem er 60ø x 100h), þetta vona ég að sjáist betur í snjónum næst þegar hann kemur ef hann kemur. Það er nú svo komið að maður hefur ekki meira úthald en þetta eftir vinnuvikunna, maður er þreyttur. En ekki má gleyma því að ég prófaði rauðvínið mitt, tók með mér eitt glas inn til að drekka með fiskbollunum hannar Helgu minnar, reyndust bæði bollurnar og vínið í góðu lagi, það er ekki svo lítið mál. Logi

Við fórum og skoðuðum ljósmyndasýninguna hans Ragnars Axelssonar (rax) á Austurvelli. Það var síðasti sýningadagurinn í dag svo ekki var seinna vænna að fara, veðrið var mjög gott miðað við árstíma um 13 stiga hiti og logn. Myndirnar eru af fólki á Grænlandi, Færeyjum og Íslandi og sýna aðstæður þessa fólks og sjálfsþurftarbúskapinn sem það stundar. Í útvarpinu áðan var viðtal við Þorvald Gylfason hagfræðiprófsor um námskeið sem hann er að halda þessa daganna og var hann að segja frá efni námskeiðsins og nefndi þar að farið yrði í mál eins og “sjálfsþurftarbúskap sem væri ávísun á fátækt” það er kannski rétt hjá hagfræðingnum að sjálfsþurftarbúskapur sé ávísun á fátækt en í sama útvarpi var sagt frá því að 35% íbúa New Orleans og bæjanna þar í kring sé fátækt fólk sem lifðir umdir fátæktarmörkum og stór hópur langt undir mörkunum, þó veit ég ekki til að sjálfsþurftarbúskapur sé mikið stundaður á þessu olíuauðuga svæði, heldur þvert á móti er þetta eitt kapítalíska svæði Bandaríkjanna og iðnaður hverskonar stundaður þarna í stórum stíl og margar olíuhreinsunarstöðvar eru þarna. Þegar talað er um fátækt er mér hugsað til ömmu minnar og afa sem eignuðust 8 börn og bjuggu í pínulitlu húsi á Stokkseyri og vantaði aldrei neitt ef ég man rétt, a.m.k. heyrði maður aldrei um það heldur þvert á móti. Nú kvarta allir og kveina hver um annan þveran yfir öllu og ekki síst skuldum og vöxtum, en eiga allt sem hugurinn girnist. Þetta segir manni að fátækt er afstætt hugtak því fátækt og fátækt er ekki það sama, munurinn er bara við hvað er miðað. Selveiðimaðurinn á Grænlandi þarf ekki 32” sjónvarp með surround hljóðkerfi, DVD-spilara og gervihnattamótakra af þeirri einföldu ástæðu að það er ekkert rafmagn í kofanum hans eða snjóhúsinu og þar með sparar hann sér raðgreiðslurnar og vextina af þessu dóti. Svo er það eitt í viðbót sem gerir það að hafa mikið umleikis í þessi lífi að það eru engir vasar á líkklæðunum sem maður er settur í þegar maður kveður þennan heim, þannig að það er erfitt að taka með sér aurana sem búið er að safna. Niðurstaðan er því sú að vinna eins lítið og hægt er en njóta frekar lífsins á sjálfbæran hátt þ. e. stunda sjálfsþurftarbúskap.
logi

Bílskúrs vera.

Ég var úti í bílskúr í næstum allan dag, var að mála veggi og vinna við þakið að innanverðu, byrjaði að einangra það, í “lager” húsinu mínu sem er endinn á svokölluðu heimahúsi og upphitað með hitaveitunni minni, þar geymi ég allt dótið mitt (gullstykkin) sem sankast hefur að mér undanfarin 30 ár eða lengur. Þarna verður margt “gullstykkið” geymt næstu ár eða þangað til að næst verður gerð “rassía” í að henda. Í fyrra sumar tókum við mikið æði og rifum tvo bragga falla af gersemum og hentum öllu sem í þeim var og meiru til, brenndum timbri í stórum bálkesti, í mikilli grillveislu sem haldin var, hentum járnarusli og dekkjum í gáma sem Hringrás lét okkur í té, tveir 20 feta gámar kjaft fullir af rusli eða gulli, eftir því hvernig á það er litið, fór í hauginn hjá Hringrás sem reyndar brann stuttu síðar. Sem sagt ég er búinn að eyða heilum degi í að lagfæra hús, gagngert til að geyma í því rusl að flestra mati en er gull í mínum augum, að minnsta kosti ennþá. Ég á langt í land með að klára “lager plássið” en þetta smá kemur.

Rauðvínið mitt er á fullu og sendir frá sér loftbólur upp um vatnslásinn í gríð og erg, svo litlu gerlarnir mínir eru að vinna hörðum höndum við víngerðina mína á lágum launum.

Sunna og Addi komu í heimsókn með nýbakaða ostaköku sem reyndist afar bragðgóð og hvarf að stærstum hluta á “nótæm”.
logi

Lítið getur maður sagt þegar maður stendur frami fyrir fellibyl í líkingu við Katrínu, þetta er hrikalegur veðrahamur sem engin orð fá lýst allt er ónýtt og hús fjúka eins og bréfsnifsi og tætast í sundur. Maður var búinn að reyna að gera sér í hugalund hvernig þetta gætir orðið en aldrei bjóst maður við neinu í líkingu við það sem nú hefur gerst vestur í Bandaríkjunum þ.e. í suður ríkjunum, í New Orleans og þar um slóðir. Það sem hryggir mann er að þetta voldugasta ríki veraldar skuli vera jafn svifaseint og raun ber vitni þegar svona skelfingar ganga yfir (eins og sagt var að Sovétríkin sálugu hafi verið), það tók um 48 tíma að koma bréfum á rétta staði með beiðni um aðstoð hersins við að geravið flóðavarnagerða sem voru að bresta, en loksins þegar skriffinnskunni lauk var það um seinan, garðarnir voru brostnir.
Forsetinn var í fríi og tók það hann nokkra stund að ákveða hvert hann skildi hætta í frí og sinna hjálparbeiðnum eða halda áfram í fríi, í sjónvarpinu sagði mjög þreyttur bandarískur fréttamaður “hann gerir eitthvað ef hann má vera að því” Nú berast fregnir af því að matar og vatnsskortur sé farin að segja mikið til sín hjá fórnarlömbum flóðanna eða öllu heldur hvirfilbilsins. Búss ætlar að gera eitthvað en segir að uppbyggingin taki jafnvel áratugi, sem bendir til þess að ekki eigi að “spandera” of miklu á þessa “negra” sem búa á þessum svæðum, en þessi svæði eru aðallega setin þeldökku fólki sem eru ekki innundir hjá félögum í The Rifle Association sem margir vinir og flokksbræður Búss eru meðlimir í, svo ég minnist nú ekki á skuggalegri samtök eins og bókstafstrúarfégagið sem Búss er í samkvæmt fréttum, þar sem hatast er út í Araba og fólk annara trúarbragða, sérstaklega múslima. Ég held að best væri að segja ekki neitt og brosa bara og láta sem ekkert sé, þannig kemst maður á auðveldan hátt gegnum lífið og skapar sér ekki óvild neins, en ég er ekki þannig.
logi